O meu curruncho

Chegou o remate

2011-05-22T22:46:00.007+01:00

Despois de seis dias fora da casa, percorrendo estas sorprendentes terras de Soria, chegou o momento de voltar ao punto de partida, e dicir a casa. Pero antes de partires ainda tivemos tempo de facer as ultimas actividades. Pola maña descargamos bastante adrenalina practicando tirolina nun parque de aventura, ademais de ver a importancia que teñen en Soria os inmensos bosques de piñeiros, aprendendo moito da sua ordenacion e explotacion. Pola tarde para rematar as actividades destas escolas viaxeiras visitamos o entorno natural da Laguna Negra, espectacular no entorno do proximo nacemento do rio Duero. Para rematar o dia fixose entrega dos agasallos preparados por cada grupo e iniciamos a despedida. Imos ver algunha das fotos do dia.

Un dia mais e xa quedan menos

2011-05-21T19:29:00.004+01:00

Pouco a pouco imos queimando etapas, hoxe foi a penultima aqui por terras de Soria.
A verdade e que xa empezamos a ver o fin e temos unha mestura de sentimentos
( morriña por un lado, e pena por outro) pero ben antes de rematar seguimos acumulando experiencias nunha terra de sorpresas, que nin imaxinabamos.
Hoxe visitamos seguindo viaxe no tempo, Calatañazor, onde segundo a lenda Almanzor perdeu o tambor.
Seguimos viaxe ata o Burgo de Osma, onde ademais de visitar esta xoia, aproveitamos para facer compras.
E pola tarde para rematar fomos coñecer o parque natural do Cañon do rio Lobos,onde observamos a arquitectura da natureza, labrando uns riscos dignos dos mellores arquitectos, asemade poidemos observar en vivo e en directo o vo dos voitres. Enormes e espectaculares. Como podedes ver estamos acumulando cousas para contarvos durante varios dias. Ai vos quedan a sfotos, disfrutadeas, coma nos disfrutamos da viaxe.

Cuarto dia por Terras de Castela

2011-05-21T06:33:00.006+01:00

Seguimos avanzando no tempo e na experiencia destas Escolas Viaxeiras, tendo en conta que nos atopamos nunha provincia que posue un patrimonio historico e cultural que e enorme, cada dia atopamos un novo lugar que nos sorprende mais. Ao longo do venres, visitamos os arcos do mosteiro de San Juan de Duero, da orden de San Juan de Jerusalen, escoitamos a lenda do Monte das Animas de Becquer, que se atopa na parte superior deste mosteiro. Logo visitamos a ermida de San Saturio, construida sobre unha gruta natural,visitando a continuacion a cidade de Soria. Despois de xantar,volvemos atras no tempo e recreamos os tempos da invasion romana da cidade de Numancia. Testemuña destas visitas son as fotos que vos amosamos a continuacion.

Por aqui seguimos

2011-05-20T18:53:00.005+01:00

Despois duns pequenos problemas de infaresturas co ADSL volvemos a estar operativos e seguimos mandandovos testemuñas de que non perecemos. Imos resistindo, ainda que as veces entranos algunha morriña, pero imolo superando sen problemas, como veredes nas fotos isto e do mais interesante. Movemonos como un grupo homoxeneo percorrendo Soria coma se fosemos o Cid. Visitamos Berlanga de Duero e sentimonos cabaleiros no seu castelo, visitamos un obradoiro de alfareria en Tajueco. Como vedes non paramos un segundo, asi claro despois durmimos coma lirons. Seguiremos informando.

O noso segundo dia en Almazan

2011-05-18T21:11:00.014+01:00

Ben xa estamos instalados, despois de superar os nervos da primeira noite, amancemos en Almazan con moita fame como podedes ver nas fotos atacamos ao almorzo con moito entusiasmo. Despois do almorzo marchamos a Ambrona, onde vimos o Museo Paleontoloxico,onde vimos unha replica en tamaño natural dun mamut, asi como os fosiles de varios animais.
Despois fomos ata Medinaceli, onde fixemos unha xincana para coñecer ben este enclave historico.
Xa pola tarde no compaña de Toño coñecemos un pouco mais de Almazan,para rematar a tarde cunha sesion de baño na piscina climatizada.A continuacion pasamos aamosarvos algunhas das fotos feitas. Agardamos que vos gusten.
Dicirvos tamen que como e preceptivo hoxe ensinamos o noso pobo aos nosos amigos murcianos e cordobeses e o que mais lles chamou a atencio e a cantidade de auga que temos. E unha sorte asi que debemos coidar o noso rio.

CHEGOU O GRAN DIA

2011-05-17T21:42:00.009+01:00

Por fin chegou o gran dia, despois dunha noite en tension e un despertar nervioso e con ansiedade, xa estamos preparados para arrincar.
A continuacion imos ver as fotos do nos primeiro dia de viaxe, esperamos que vos gusten, a verdade e que a viaxe promete.

Seguiremos estando en contacto visual convosco.
Como vedes isto promete asi que xa vos contaremos.

Webquest: Coñecendo Soria

2011-04-11T10:54:00.005+01:00

Como sabedes o día 17 de maio partimos cara Soria, para participar no Programa das Escolas Viaxeiras que este ano nos adxudicou esa provincia. Para coñecer un pouco máis dela aquí tedes una Webquest para traballar e profundar algo máis no seu coñecemento.

Preme aquí

Viva o Entroido!

2011-03-07T17:33:00.004Z

Xa chegaron coma todos os anos estas datas tan cargadas de tradición. Nós non deixamos de festexalas, como no facendo e lucindo os nosos disfraces. este ano homenaxeamos o tan querido pobo mexicano e aí estamos caraterizados de Panchos e Lupitas.
Despois de comer os freixós doados polo Concello e as orellas, coas que nos obsequiou a ANPA,con moito afán e esmero partcipamos nun baile típico mexicano pasámolo moi ben aí tedes unhas fotos que así o demostran.

POSTA EN MARCHA O PROXECTO ABALAR

2011-02-28T15:58:00.005Z

O pasado día 17 deste mes, por fin iniciamos a andaina neste novo proxecto. A pesares de que todavía temos un ultraportátil que ten problemas de conexión á wifi de Abalar.
Comezamos con moita ilusión, esperemos que nos dure moito tempo. Para iniciarnos aproveitamos as actividades on-line que atopamos na internet, para traballar o tema do relevo de España e de Galiza. Ademais apoiamos o traballo no ultraportátil co soporte da pizarra dixital interactiva. O resultado foi gratificante xa que as actividades resultaron do máis interesantes.
Aí vos van unhas fotos da nosa aula ABALAR de 5º.

2011-02-21T08:43:00.008Z

Despois de moito tempo volvemos a estar aquí. A ver se desta vez non tardamos tanto tempo en actualizar o noso blog.
Este curso vimos con moitas novidades: Espazo Abalar, Escolas Viaxeiras...
Como xa sabedes este ano imos participar no programa Escolas Viaxeiras, farémolo na ruta de Soria, que a principio pode sonar pouco atractiva pero que polo que me contaron é moi interesante. A saída será o 17 de maio e regresaremos o 23. Irei dándovos máis información a medida que vaia chegando o día.

UNHA NOVA ANDAINA

2009-10-08T12:32:00.010+01:00

Una ano máis estamos de volta, unha vez cargadas as pilas no verán. Como todos os comezos dun novo curso estamos cargados de ilusións e desexos de facer as cousas mellor.
Temos ganas de volver a ver aos nosos/as compañeiros/as do curso pasado, así como dar a benvida aos novos. Este ano contamos entre nós catro caras novas: Sergio Fraga, Paula Baamonde, Nicole Béjar e Carla Franco. Acollémolos cos brazos abertos e desexosos que se integren no noso grupo o antes posible e que a bocanada de aire fresco que nos tran nos sirva de estímulo.

Como vedes nas seguintes fotos empezamos con ganas esta nova singladura, esperemos que nos duren.

Tamén quero facer o propósito de dinamizar máis este blog como foro de participación para todos os que se interesen polo noso traballo e as nosas iniciativas.
Ánimo e benvidos.

Entroido pirata no Monte Caxado

2009-02-21T20:27:00.020Z

Seguindo coa nosa teima de manter as nosas tradicións, traballamos un ano máis para facer os nosos disfraces con moita ilusión, e celebrar unha das festas máis populares na nos Galicia. Despois de facer na clase todos os preparativos cortando, pintando, e na casa as mamás cosendo chegou pro fin o gran día de lucir os nosos traballos. Aí tedes o resultado.

E aproveitando o bo tempo, que menos que lucir o noso traballo polas rúas da nosa vila.

Despois do paseo participamos no remate de festa no pavillón do colexio, executando un movido e entretido baile.

Despois de tanta movida ao final necesitamos algo de repouso.

.
Agardo que pasedes estas datas tan tardicionais con moita forza e entusiasmo e carguedes as pilas para a volta. Ollo cos freixós e mais as orellas!

O Nadal no cole

2009-01-21T10:18:00.012Z

Coma tódolos anos ao chegar o inverno, remata o primeiro trimestre de clase, e con el chegan as vacacións de Nadal. E no cole para celebralo facemos unha festa na que cantamos panxoliñas e tamén amosamos as nosas primeiras escaramuzas co teatro. Este ano representamos Un nacemento especial, aí vos van unhas fotos.

Tamén nos podedes ver coa nosa particular homenaxe a estas datas cantando un rap popurrí de panxoliñas tradicionais.

E aínda que un pouco tarde, por problemas de loxística, querémosvos desexar un venturoso ano 2009.

Plantación de outono

2008-11-21T08:40:00.015Z

Seguindo co noso afán de protexer e coidar o medio ambiente, realizamos, dentro das actividades programadas pola AMA do colexio, unha plantación de landras, que recollimos no parque de A Fraga, para seguir aumentando a nosa provisión de especies arbóreas autóctonas, e logo plantalas na nosa Aula de Natureza do Bañal, cando teñan medrado dabondo. Como podedes ver levamos a cabo esta actividade con moito entusiasmo e interese.

Dentro desta labor formativa tamén faremos unha plantación de bulbos dentro da aula, en briks, que previamente decoraremos na clase de plástica. Desde aquí queremos animarvos a todos/as a que fagades un esforzo á hora de adquirir hábitos saudables e ecolóxicos, tanto no tratamento do lixo, reciclando a maior cantidade de refugallos posible, como no respecto pola natureza. Nós estamos dispostos a seguir traballando neste eido para acadar un mundo mellor e con futuro.

O magosto no Monte Caxado

2008-11-07T12:51:00.084Z

O venres, día 7 de novembro, coma todos os anos celebramos o magosto en compañía dos/das nenos/as de E. Infantil e E. Primaria. Comemos as castañas coas que nos agasallou a ANPA do cole. Sentimos que non estiveran hoxe con nós nin Manuel nin Alba, que estan enfermos, dende aquí desexámoslles unha pronta recuperación.

E despois participamos no desenvolvemento de varios xogos populares, no patio. Organizados por Pablo o profe de E. Física, participamos primeiro nunha carreira de sacos por relevos, onde a pesares dos tropezóns, rematamos todos enteiros.

Ao rematar a carreira de sacos, xogamos unha disputadísima partida de brilé, nenos contra nenas, na que os lances do xogo foron a mar de divertidos.

Unha vez rematada tan disputada competición de brilé, fomos comprobar o noso nivel de forza na proba de tiro de corda, na que o pasamos de marabilla.

Na seguinte estación agardábanos Pablo co paracaídas, nesta proba puxemos de manifesto a nosa habilidade, ademais tivemos ata tempo de contar algún chiste.

Para rematar unha mañá tan festiva, probamos a nosa pericia subidos nos zancos, habilidade que, como podedes ver aínda é claramente mellorable, pero a boas intencións e esforzo non nos gaña ninguén.

Ben unha vez rematada esta sesión de cultura popular na que mesturamos tanto o aspecto culinario coma o lúdico, damos por finalizada a celebración do Magosto deste ano no Monte Caxado.

Nós tamén celebramos o Samaín

2008-10-30T14:03:00.034Z

Como é tradicional por estas datas, tentamos manter viva a tradición, que se remonta a tempos nos que Galiza estaba habitada polas tribus celtas, como é o Samaín, que coincide hoxendía coa festividade dos defuntos. Nós tomando como referente a cultura popular, aportamos o noso gran de area tallando as cabazas a xeito de caveiras, tal e como facían os nosos antergos. Para mostra delo aí tedes probas do interese co que participamos vaciando as cabazas e facéndolles os ollos, o nariz e mais a boca. Esta festa está emparentada moi de preto co Halloween, daí a relación que poderedes ver na seguinte montaxe fotográfica.

Practicamos deporte en plena natureza

2008-10-27T21:37:00.022Z

O pasado día 22 de outubro os/as nenos/as de 3º participamos nunha proba de campo a través, organizada dentro da Campaña de Deporte en Idade escolar, xunto cos nosos/as compañeiros/as de 4º, 5º e 6º. Nesta xornada convivimos con nenos/as dos colexios Santa María e a Fraga. Ao remate tomamos un refrixerio. Foi unha xornada moi divertida e saudable, que estamos dispostos a repetir.

Os/as nenos/as de 3º

2008-10-07T08:51:00.010+01:00

Estes que vedes aquí son os causantes da miña nova experiencia no mundo dos blogues, como vedes están exultantes de ánimo e forza para facer que esta nova aventura vaia adiante con gran pulo, espero non defraudalos.

Saúdo

2008-10-01T21:51:00.000+01:00

Ola, este blog nace con moita ilusión e moita vontade. Este curso empezo cun novo grupo de nenos/as que me dan un novo pulo para meterme nestes fregados. Espero que disculpedes as meteduras de pata deste novato nesta singladura.